'Súgradh cois Laoi'

Reáchtáladh an fhéile, 'Idir Shúgradh agus Dáiríre' i gColáiste na hOllscoile, Corcaigh ag deireadh na seachtaine, 8-10 Márta. Buaicphointe dheireadh na seachtaine ab ea Comórtas Díospóireachta Ghael-Linn na gColáistí. Bhí uachtarán Chonradh na Gaeilge, Tomás Mac Ruairí, ina chathaoirleach is i measc na moltóirí do bhí Niall Ó Murchadha, Roinn na Fisice, C.O.C., a thug an-chaint uaidh ag deireadh na hoíche.

B'é Ré Ó Buachalla, Reachtaire na Cuallachta, as an Sciobairín, a thug leis an gradam don gcainteoir ab fhearr ach b'iad mná an Iarthair a tháinig aniar aduaidh ar fhoireann 'I' Chorcaí sa deireadh nuair a bheartaigh na moltóirí gur thugadar an svae leo. An rún a bhí ann ná 'Tá an ghloine leathfholamh,' is deirtear go raibh cúpla buidéal folamh san Aula Maxima sular thosnaigh an mholtóireacht, fiú! B'iad san ná Muireann Ní Chuív agus an Aisling Ní Cheallaigh, Ollscoil na hÉireann, Gaillimh. Comhghairdeachas leo mar bhuaiteoirí is le gach éinne a bhí rannpháirteach in imeachtaí dheireadh na seachtaine. Tháining foireann 'I' Chorcaí sa tarna háit is b'iad san Séamus Ó Ceallaigh is Mairéad Enright.

I ndiaidh na sárócáide sin ghaibh gach mac máthar i dtreo dúthaigh an Fhaolánaigh chun cluas a thabhairt do Mhairéad Nesbitt, YUP, is d'oscailt Sheachtain na Gaeilge. I measc na n-imeachtaí a bhí ar bun bhí Comhrac Sumó, peil is sacar, drámaíocht, rásaíocht na naomhóg le Meitheal Mara, Tórramh, traidisiúnta, babhláil, céilithe, comórtas Gael na bliana, Milliúnaí na mac léinn 2002. Thug an Coiste Cultúrtha Náisiúnta, Foras na Gaeilge, Gael-Linn, Conradh na Gaeilge is Beamish urraíocht don bhféile.'

Turas go Corcaigh.

Bhuel, tá an Ghaeilge lag sa choláiste ach cinnte níl sí marbh. Bhí S na G go hiontach. Thosaíomar leis an dturas IDIR SÚGRADH AGUS DÁIRÍRE go dtí Ollscoil na hÉireann, Corcaigh chun bheith i láthair don oscailt oifigiúil do Sheachtain na Gaeilge na mac léinn. Bhí trí ollscoil páirteach sa deireadh seachtaine. Chuaigh naonúr ón O.L. Ba dheis mhaith í don Cumann 'Spraoi' as O.L. muintir ón gCumann bualadh leis na cumainn Ghaeilge ó na hollscoileanna eile; 'Comhlacht' [?? - "An Chuallacht" b'fhéidir! &emdash; Eagarthóir] ó Ollscoil na hÉireann, Corcaigh agus 'Cumann Craic' ó Choláiste na hOllscoille, Gaillimh.

Chuir an mock sochraid agus tórramh traidisiúnta tús iontach leis an deireadh seachtaine. Bhain chuile dhuine an taitneamh as an bpleacaíocht leis an gcónra. Bhí céilí mór tar éis sin. Féach ar an ngriangraf thíos. Ar an Satharn agus muidne tinn den óil, chuamar ag ramhaíocht i naomhogaí ar an Laoi. Ba é sin an chéad uair do a lán den ngrúpa bheith páirteach i ngníomh mar sin. Ní raibh chuile dhuine ábalta snámh ach bhí an misneach againne dul amach ar aon nós.

Oíche Dé Sathairn bhí díospóireacht Gael Linn ar siúl agus ghlac O.L. páirt inti. An rún a bhí á phlé ná, "Tá an ghloine leathfholamh." Bhíomar i gcoinne an ruin agus phléamar cúrsaí laethúil agus cúrsaí ón dtimpeallacht chun ár gcás a chur in iúl. Chailleamar tar éis iarracht mhaith ó gach duine, áfách.

Leanamar ar aghaidh ansin go dtí an club oíche Half Moon chun an banna ceol "Yup!" le Mairéad Nesbitt a chloisteáil. Bhí siadsan go hiontach, an-chosúil le Kíla le funky trad. Ansin bhí DJs ann agus d'oscail Tomás Mac Ruairí, Úachtarán Chonradh na Gaeilge an tseachtain go hoifigiúil. Lean an oíche ar aghaidh go dtí na huaireanta luaithe sa mhaidin le séisiún ceoil trad i mBrú ina Laoi.

An tráthnóna tar éis, bhí caint agus cumarsáid sa Spailpín Fánach. Caithfear buíochas mór a ghábháil le Niall Ó hÉanacháin (Oifigeach na Gaeilge le AMLÉ), muintir Chorcaí agus muintir na Gaillimhe le haghaidh an deireadh seachtaine.